Sekretariati për Çështjet Evropiane njofton hapjen e thirrjes së parë për krijimin e rrjeteve të planifikimit të veprimit në kuadër të programit Interreg URBACT IV.
Grupi i synuar i kësaj thirrjeje janë kryesisht administratat e qyteteve, të cilat janë të interesuara të lidhen dhe të bashkëpunojnë me qytete të tjera evropiane në zhvillimin dhe zbatimin e Planeve të Integruara të Veprimit në përgjigje të sfidave lokale.
Qytetet nga Shtetet Anëtare të Bashkimit Evropian, vendet partnere Norvegjia dhe Zvicra, si dhe vendet përfituese të Instrumentit për Ndihmë Para-Anëtarësimi (IPA) Shqipëria, Bosnja dhe Hercegovina, Mali i Zi, Maqedonia e Veriut dhe Serbia mund të aplikojnë për fonde për pjesëmarrjen e tyre në rrjetet e planifikimit të veprimit.
Më shumë informacion në lidhje me thirrjen, qasjen në platformën e kërkimit të partnerëve dhe publikimin e ideve të projektit, si dhe sesionet informuese të shpallura mund të gjenden në linkun e mëposhtëm: https://urbact.eu/get-involved
Thirrja do të jetë e hapur deri më 31 Mars 2023, ora 15:00 CET.