Sekretariati për Çështje Evropiane shpall Thirrje Publike për aplikime nga të gjitha organizatat e interesuara të shoqërisë civile për konsultime mbi procesin e negociatave për anëtarësimin e Republikës së Maqedonisë së Veriut në Bashkimin Evropian.
Qëllimi i kësaj thirrjeje është të krijojë një regjistër/bazë të dhënash të organizatave të shoqërisë civile, mbi të cilën Sekretariati për Çështje Evropiane do të jetë në gjendje të mbështetet gjatë procesit të negociatave për anëtarësimin e Republikës së Maqedonisë së Veriut në Bashkimin Evropian dhe të cilin do të jetë në gjendje ta informojë vazhdimisht dhe të konsultohet herë pas here për çështje që lidhen me negociatat për anëtarësimin e Republikës së Maqedonisë së Veriut në Bashkimin Evropian.
Të gjitha organizatat e interesuara të shoqërisë civile mund të aplikojnë për një ose më shumë fusha dhe kapituj të së drejtës së Bashkimit Evropian për ato fusha dhe kapituj brenda fushës së tyre të aktivitetit, duke plotësuar një formular elektronik regjistrimi të disponueshëm në lidhjen e mëposhtme.
Të gjitha organizatat e shoqërisë civile kanë të drejtë të regjistrohen.
- Të cilat janë të regjistruara në Republikën e Maqedonisë së Veriut sipas Ligjit për Shoqatat dhe Fondacionet; dhe
- Të cilat veprojnë në territorin e Republikës së Maqedonisë së Veriut.
E rëndësishme:
- Regjistrimi është ekskluzivisht elektronik duke plotësuar formularin e regjistrimit.
- Regjistrimi i organizatave të interesuara të shoqërisë civile për përfshirje në regjistrin/bazën e të dhënave të organizatave të shoqërisë civile për konsultime mbi procesin e negociatave për anëtarësimin e Republikës së Maqedonisë së Veriut në Bashkimin Evropian nuk do të thotë automatikisht pjesëmarrje në punën e grupeve të punës për procesin e negociatave për përgatitjen e pozicioneve negociuese për negociatat për anëtarësimin e Republikës së Maqedonisë së Veriut në Bashkimin Evropian.