Sekretariati për Çështjet Evropiane njofton hapjen e thirrjes së parë për financim projektesh në kuadër të programit Interreg IPA ADRION.
Grupi i synuar i thirrjes (përfituesit potencialë) janë:
- Organet publike, si dhe shoqatat e tyre
- Organet e rregulluara nga e drejta publike, si dhe shoqatat e tyre
- Organizatat ndërkombëtare të rregulluara nga legjislacioni kombëtar
- Institucionet dhe organizatat private
Thirrja e parë e programit IPA ADRION ka për qëllim të mbështesë projekte që adresojnë prioritetet dhe objektivat specifike të mëposhtme:
1. Aksi prioritar 1: Mbështetja e një rajoni të zgjuar Adriatiko-Jonian
- Objektivi specifik 1.1: Forcimi i kapaciteteve inovative në rajonin Adriatiko-Jonian
2. Aksi prioritar 2: Mbështetja e një rajoni më të gjelbër Adriatiko-Jonian, rezistent ndaj ndryshimeve klimatike
- Objektivi specifik 2.1: Përmirësimi i rezistencës ndaj ndryshimeve klimatike, fatkeqësive natyrore dhe të shkaktuara nga njeriu në rajonin Adriatiko-Jonian
- Objektivi specifik 2.2: Mbështetja e zhvillimit të Ekonomisë Rrethore në Rajonin Adriatiko-Jonian
- Objektivi specifik 2.3: Mbështetja e ruajtjes dhe mbrojtjes së mjedisit në Rajonin Adriatiko-Jonian
- Objektivi specifik 2.4: Mbështetja e lëvizshmërisë urbane multimodale të qëndrueshme në Rajonin Adriatiko-Jonian
3. Aksi prioritar 3: Mbështetja e një Rajoni Adriatiko-Jonian neutral ndaj karbonit dhe më të lidhur
- Objektivi Specifik 3.1: Forcimi i lëvizshmërisë inteligjente neutrale ndaj karbonit në Rajonin Adriatiko-Jonian
Buxheti i BE-së për thirrjen e parë është afërsisht 65.7 milionë euro, i cili do të financojë një maksimum prej 85% të kostove të pranueshme të projekteve të dhëna. Një pjesë e kostove (të paktën 15%) që nuk mbulohen nga fondet e BE-së duhet të sigurohen nga burime kombëtare bashkëfinancimi (publike, private ose fonde të ofruara nga organizata ndërkombëtare).
Informacion i detajuar në lidhje me thirrjen mund të gjendet në faqen e internetit të programit IPA ADRION, në lidhjen e mëposhtme: https://www.adrioninterreg.eu/index.php/call-for-proposals/ipa-adrion-first-call-for-proposals/
Thirrja do të jetë e hapur deri më 30 qershor 2023, ora 13:00 CET.