Денес во Скопје, Првиот заменик‑претседател на Влада и министер за европски прашања, Беким Сали, се сретна со Михела Телатин, директорка на UNOPS SEEMCO, за да го потврдат партнерството во поддршка на реформите и европската интеграција на Северна Македонија.
Разговорите се фокусираа на предизвиците и можностите од процесот на интеграција во ЕУ, потребата за одржување на континуитетот на реформите и ефективната меѓуинституционална координација. Беше нагласено значењето на регионалното искуство на UNOPS и нејзиниот придонес во националните и регионалните проекти, во согласност со приоритетите на Владата.
Заменик‑претседателот на Влада, Сали, потенцира важноста на континуитетот на реформите и изрази благодарност до Кралството Шведска, Швајцарија и UNOPS за нивната постојана поддршка во унапредувањето на процесот на европска интеграција.
