Поважни документи

Секторот за подготовка на националната верзија на правото на Европската Унија (acquis), исто така е посветен на истражување и воспоставување на точно утврдени насоки за преведувачите, јазичните, правните и стручните ревизори и за сите што секојдневно работат на подготовката на националната верзија на acquis. Тоа обезбедува конзистентност при преведувањето и восприемањето на карактеристични термини, насоки кои содржат унифицирање на преводите на одделни делови на правните акти, земајќи ги предвид прописите на македонскиот јазик, како и спецификата на јазикот/стилот на правните акти на Европската Унија.

За да се постигне усогласеност на структурата на правните прописи на ЕУ, преведувачите/учесниците во процесот треба да се придржуваат до утврдената методологија, јасно дефинираните стандарди и процедури, за кои Секторот изработи прирачници за преведување на правните акти на ЕУ и на правните акти на Република Северна Македонија, како и голем број поимници од различни области.