Кластер 2 – Внатрешен пазар

Поглавјето 3.01 Слободно движење на стоки како дел од политиката на внатрешниот пазар на Европската Унија ги опфаќа прописите кои го уредуваат отстранувањето на сите трговски бариери меѓу земјите

Поглавјето 3.02 Слободно движење на работници се состои од следниве подрачја: општи принципи на пазар на труд, ЕУРЕС, координација на системи за социјално осигурување и Европска здравствена картичка

Поглавјето 3.03 Право на основање и слобода на давање услуги ги покрива следните области: право на основање, слобода на давање прекугранични услуги, поштенски услуги и заемно признавање на професионални квалификации.

Барањата на политиките на ЕУ во Пoглавјeто 3.04 Слободно движење на капитал се во насока на отстранување на сите ограничувања на движењето на капитал и во рамките на ЕУ и меѓу земјите-членки и трети земји, со одредени исклучоци.

Поглавјето 3.06 Право на трговски друштва ги опфаќа областите на право на трговски друштва и сметководство и ревизија

Правото на ЕУ во Поглавјето 3.07 Право на интелектуална сопственост ги определува правилата за заштита на авторското право и сродните права, правата од индустриска сопственост и утврдува граѓански одредби за спроведување

Поглавјето 3.08 Политика на конкуренција ги опфаќа правилата на Европската Унија кои овозможуваат претпријатијата да се натпреваруваат под еднакви услови на пазарите на сите земји членки

Поглавјето 3.09 Финансиски услуги ги покрива следните области: банки и финансиски конгломерати, осигурување и капитално финансирано пензиско осигурување

Поглавјето 3.28 Заштита на потрошувачи и јавно здравје регулира две области, заштита на потрошувачите и јавното здравје, кои претставуваат една од основните политики на ЕУ