Твининг инструментот се базира на неколку основни начела и принципи кои твининг партнерите мора да ги имаат во предвид при подготовката и реализацијатана одделните проекти:
- Државата корисник (Beneficiary Country) на твинингот ја избира државата членка на ЕУ која би и била партнер во имплементацијата на проектот;
- Твининг проектите мора да имаат за цел постигнување на конкретен и оперативен резултат во смисла, државата корисник да исполни одредени барања (обврски) поврзани со aquis communautaire или со дадени политики на ЕУ;
- Твининг партнерите се обврзуваат кон постигнување на даден(и) задолжителн(и) резултат(и), (mandatory results) и како резултат на таквата нивна определба по завршувањето на проектот мора да функционира нов или реформиран систем под целосна одговорност на државата корисник;
- Твинингот е заеднички проект од донаторска природа. Тој не е само еднонасочно обезбедување на експертска помош од државата членка на државата корисник, туку претставува заеднички потфат кој опфаќа блиска соработка и партнерство во кој државата членка се обврзува за превземање и финасирање на соодветните активности, а државата корисник на обезбедување на целосна поддршка на истите за времетраењето на проектот;
- За зацврстување на кредибилитетот на своите обврски, твининг партнерите подготвуваат детален Твининг работен план пред започнувањето на проектот во кој се предвидуваат сите твининг активности, резултатите и целите кои треба да се постигнат со нив, како и референтни вредности (benchmarks) за следење на прогресот на проектот кон постигнување на крајната цел;
- Целта на твинингот не е да се превземе административниот систем на дадена држава членка, туку да се воведат и практично да се применуваат најдобрите ЕУ практики поврзани со европското законодавство кои најмногу одговараат на потребите и приликите во конкретната држава корисник;
- Со завршувањето на проектот, државата корисник треба да има значително подобрена организација, способна за правилно исполнување на своите обврски и цели поврзани со ЕУ законодавството или со релевантната област на соработка со ЕУ;
- Крајниот резултат од проектот е во целосна сопственост и одговорност на државата корисник на твинингот.
Ангажирањето на постојани експерти од државата членка во државата корисник ја претставува суштината на твининг проектите. Со секој твининг проект раководат проектни менаџери (Project Leaders) од двете држави партнери, кои се одговорни за целокупниот финасиски, технички и персонален менаџмент на проектот. Не станува збор за експерти, туку за високо рангирани државни функционери, или службеници кои имаат доволно политичка моќ да ги мобилизираат и ангажираат сите неопходни ресурси за реализација на проектот. Специфика на овој тип проекти е именувањето на постојан експерт Постојан (резидентен) твининг советник (Resident Twinning Adviser-RТА)-ПТС, како најблизок соработник на проектните менаџери, кој е постојано присутен и активен во државата корисник за времетраење на проектот и кој игра клучна улога во подготовката и реализацијата на предвидените твининг активности. Од него се бара да има добри менаџерски, комуникациски и јазични способности и добро познавање на областа на која се однесува твининг проектот, а како предност се сметаат компаративни познавања на системите и на другите држави членки. За реализацијата на твининг активностите насочени кон остварување на крајната цел, се ангажираат и различни кратко- или среднорочни експерти чии профил, улога, задачи, обврски и активности се дефинираат однапред во работниот план на проектот.
Од друга страна при Twinning Light, трае до шест месеци (во исклучителни случаи и до осум) и подразбира ангажман на неколку краткорочни експерти. Исто така договорите twinning light не ја поминуваат финансиската граница од 250.000 евра.
Твининг
Твининг (Twinning) инструментот беше промовиран 1998 година од страна на Европска Комисија (ЕК), во рамки на подготовките за проширувањето на ЕУ. Беше замислен како инструмент за таргетирана административна соработка наменета како помош на државите кандидатки за членство во Унијата, во јакнење на нивните административни и судски капацитети за имплементација на легислативата на Европската заедница како идни членки на ЕУ.
Од 1998 година, повеќе од 1300 твининг проекти се имплементирани во земјите кандидати за членство, а финансирани преку PHARE или други финансиски инструменти за пред-пристапна помош. Твинингот продолжува да игра витална улога во контекст на институционална надградба во новите земји членки под т.н. механизам за транзиција а истотака останува и клучен инструмент за институционална надградба во сегашните земји кандидати (Хрватска, Република Македонија и Турција).
Во земјите од т.н. Западен Балкан, твинингот започна да се користи во летото 2002 година за одредени програми за институционална надградба, особено во областа на правда и внатрешни работи. Сега твинингот е достапен без оглед на специфичноста на секторот во контекстот на ИПА.
Твинингот е клучен инструмент на ЕК за институционална надградба односно за помош и поддршка на државите кандидати и аспиранти за членство, во развивањето на структури, стратегии, човечки ресурси и менаџерски вештини потребни за јакнење на нивните политички, економски, социјални и административни капацитети. Негова крајна цел и намена се преку трансфер на знаење и искуства од администрациите и јавните институции на државите членки да им се помогне на овие држави да ги воспостават и зајакнат институциите кои треба да го инкорпорираат и имплементираат европското acquis communautaire.
Најпрво, твининг проектите се креираат имајќи ги предвид заеднички усогласените цели на ЕУ политиките, како што се подготовките за ЕУ проширување, понатамошно зајакнување на административните капацитети и/или зајакната соработка во согласност со ЕУ политиките, како што е предвидено во регулативите за ИПА.
Важно е да се напомене дека повиците за поднесување на понуди за твининг проекти не се објавуваат на страната на Секторот за централно финансирање и склучување договори (CFCD) и EuropeAid, туку повиците ги циркулира Делегацијата на Европска Унија до Националните твининг контакт лица на земјите членки.
Национално контакт лице за Твининг:
Евгенија Серафимовска Кирковски
Раководителка на секторот за координација на ЕУ фондови и друга странска помош
Evgenija.kirkovski@sep.gov.mk
Тел: +389 23 200 139
Документи: