Главна цел на програмата Култура (2007–2013) е формирање на заедничка културна област преку развојот на културната соработка во Европа. Конкретни цели на Програмата се:
- Промовирање на транснационална мобилност на сите оние што работат во секторот култура во ЕУ
- Охрабрување на транснационалната распространетост на уметнички дела и културни производи
- Охрабрување на интеркултурниот дијалог
Национална партнерска институција одговорна за спроведување и координирање на активностите поврзани со Програмата е Министерството за култура.
На 31 јануари 2008 година во Брисел беше потпишан Меморандум за разбирање за програмата Култура со што се отстранети сите пречки за полноправно учество на Република Македонија во оваа програма.