Programi nga fusha e shëndetsisë, ka për qëllim që nëpërmjet të mbrojtjes dhe promovimit të shëndetit të njeriut dhe sigurisë së tij në fushën e shëndetsisë, t’i përkrahë politikat e vendeve anëtare dhe të kontribuojë në përmirësimin e shëndetit publik dhe rritjen e përgjithshme të solidaritetit dhe prosperitëtit në Unionin Europian. Në kuadër të këtij programi do të promovohet edhe pjesëmarrja edhe konsultimet ndërmjet palëve të involvuara në proces. Buxheti i Programit në fjalë, llogaritet në 321.5 mil Euro, dhe programi në fjalë do të realizohet nëpërmjet planeve punuese, në të cilët më së shumti do të favorizohen prioritetet e segmentëve të caktuar dhe kriteriumet për finansimin e tyre.

Qëllimet e programit:

• Të përmirësojë sigurinë shëndetësore të qytetarëve;
  
• Të promovojë shëndetësinë duke llogaritur këtu zvogëlimin apo uljen e pabarazisë ndërmjet qytetarëve në kuadër të sistemit shëndetësor;
  
• Të promovojë informata dhe njohuri që kanë të bëjnë me shëndetin e qytetarëve.

Që të sigurohet pjesëmarrje e sigurt dhe e tërësishme në këtë program, në dispozicion janë vendosur mekanizmat financiarë që vijojnë:

• Kofinansimi i projekteve qëllimi i të cilëve është realizimi dhe implementimi i njërit nga qëllimet/objektivat themelore të programit;
  
• Aktivitetet e lidhura me tenderimin, që do të shkonin në drejtim të realizimit të qëllimeve të Programit në tërësi;
  
• Kofinansim i shpenzimeve operative i organizatave joqeveritare apo të rrjeteve të specializuar;
  
• Finansim i përbashkët i organeve publike apo organizatave joqeveritare nga bashkësia apo nga një apo më shumë vende-anëtare;
  
• Aksione të përbashkëta me programet tjera të Bahkësisë, të cilat do të zhvillonin lidhje ndërmjet këtij instrumenti dhe dhe programeve të tjera të Bashkësisë.

Institucioni nacional i partneritetit, është përgjigjës për realizimin dhe koordinimin e aktiviteteve të lidhura me Programin e Ministrisë së shëndetsisë.