Sekretariati për Çështjet Evropiane informon se është publikuar një thirrje e jashtëzakonshme për projekte strategjike në kuadër të programit Interreg Adrian 2014-2020, në të cilën aplikantët nga Republika e Maqedonisë së Veriut mund të marrin pjesë gjithashtu si partnerë të asociuar. Qëllimi i thirrjes është të rrisë kompetencat dhe aftësitë në fushat me rëndësi strategjike për rajonin Adriatiko-Jonian. Më konkretisht, thirrja synon të mbështesë përgatitjen dhe zbatimin e programeve master transnacionalë të akredituara/potencialisht të akredituara, si dhe zbatimin e koncepteve arsimore/trajnuese në një qasje të përbashkët të një rrjeti universitetesh.
Fushat e mëposhtme mbulohen nga thirrja:
- Ekonomia Blu
- Inovacioni Social
- Energjia e Rinovueshme
- Ekonomia Rrethore
Subjektet e mëposhtme mund të aplikojnë si aplikantë potencialë:
- Universitete/Fakultete të vendosura në Shtetet Anëtare të BE-së dhe në vendet përfituese të IPA-s
- Institucione biznesi
- Institucione kërkimore me ekspertizë specifike në fushat e mbuluara.
Thirrja me të gjitha detajet rreth aplikimit është publikuar në faqen e internetit të programit Interreg Adrion, në linkun e mëposhtëm: https://www.adrioninterreg.eu/index.php/call-for-proposals/5th-extraordinary-call-for-proposals-now-open/
Afati i fundit për aplikim është 08.07.2022.
Konsultime të mëtejshme direkt me Sekretariatin e Përbashkët të programit Interreg Adrion janë të mundshme përmes kontaktit të mëposhtëm: INFO@INTERREGADRION.EU.
Kontakt nga Sekretariati për Çështjet Evropiane:
Zuica Zmejkovska, Ndihmëse Kryetare e Sektorit për Koordinimin e Fondeve Evropiane dhe Ndihmave të Tjera të Huaja
email: zuica.zmejkovska@sep.gov.mk