Zëvendëskryeministri i parë dhe Ministri për Çështje Evropiane, Bekim Sali, pas takimeve me përfaqësues të Komisionit Evropian dhe COELA-s, deklaroi se mbetet i fuqishëm përkushtimi për avancimin e procesit të integrimit evropian të Maqedonia e Veriut dhe realizimin e reformave kyçe sipas standardeve evropiane.
Ai theksoi se në fokus të diskutimeve kanë qenë zbatimi i Agjendës Reformuese dhe Planit të Rritjes për Ballkanin Perëndimor, sundimi i së drejtës, reformat në administratën publike, energjetika, si dhe projektet infrastrukturore dhe lidhshmëria rajonale.
“U vlerësua progresi i arritur deri më tani dhe bashkëpunimi i vazhdueshëm me institucionet evropiane, ndërsa u theksua rëndësia e një procesi të drejtë, të parashikueshëm dhe të bazuar në meritë në rrugën drejt anëtarësimit të plotë në Bashkimi Evropian”, thuhet në deklaratën e tij.
Gjithashtu, Sali potencoi rëndësinë e bashkëpunimit rajonal dhe integrimit gradual në Tregun e Përbashkët Evropian, duke e cilësuar atë si element kyç për stabilitet, zhvillim ekonomik dhe siguri në rajon.
