Sot, në Qendrën e Trajnimit të Ministrisë së Çështjeve Evropiane (MEA) u mbajt një seminar mbi kornizën e komunikimit strategjik për asistencën e BE-së / komunikimin dhe dukshmërinë e IPA III. Eventi u organizua në kuadër të Projektit "Mbështetje për Reformën e Politikave, Aderimin dhe Efektivitetin (SUPRAE)", i financuar nga Bashkimi Evropian dhe i zbatuar nga konsorciumi i udhëhequr nga GOPA-PACE. Pjesëmarrës në këtë aktivitet ishin përfaqësues nga IPA dhe departamentet e marrëdhënieve me publikun të institucioneve që janë pjesë e programeve operative sektoriale në kuadër të programit IPA III.
Punëtorinë e hapën Evgenija Serafimovska - Kirkovski, Zyra NIPAC, Shefe e Sektorit në Parlamentin Evropian, Elena Presilska, Këshilltare Speciale në Kabinetin e Eurodeputetit Murtezani, Aleksandar Melamed, Udhëheqës i Ekipit për Komunikim dhe Shtyp në Delegacionin e Bashkimit Evropian në Maqedoninë e Veriut dhe Mojca Grošelj, Udhëheqëse e Ekipit të Projektit të BE-së "SUPRAE". Trajneri ishte Bojan Kordalov, një ekspert i lartë në komunikim dhe dukshmëri, i angazhuar në kuadër të Projektit të BE-së "SUPRAE".
Qëllimi kryesor i punëtorisë ishte përmirësimi i njohurive dhe aftësive të pjesëmarrësve për të rritur në mënyrë efektive ndërgjegjësimin publik rreth mundësive që BE-ja ofron si ndihmë financiare për Maqedoninë e Veriut, përfshirë programin IPA III. Fokusi ishte në nxitjen e besimit, promovimin e transparencës dhe rritjen e dukshmërisë së proceseve të integrimit në BE dhe dukshmërisë së projekteve të financuara nga BE, si dhe dhënien e një kontributi konkret në luftën kundër dezinformimit në rrugën e pranimit të Maqedonisë së Veriut në Union.
Gjatë këtij seminari, pjesëmarrësve iu prezantuan dy dokumente kryesore komunikimi: drafti i Kornizës Strategjike të Komunikimit për ndihmën e BE-së dhe drafti i Planit të Veprimit për Komunikim Strategjik në lidhje me programin IPA III. Këto dokumente strategjike janë zhvilluar gjithashtu në kuadër të projektit SUPRAE - nënkomponenti për "Komunikimin mbi politikat e vendit, anëtarësimin në BE dhe ndihmën e BE-së", me qëllim sigurimin e aktiviteteve efektive dhe koherente të komunikimit që janë në përputhje me mekanizmat financiarë të BE-së, duke integruar njëkohësisht sistemet e monitorimit, vlerësimit dhe përditësimit.
