Sekretariati për Çështje Evropiane informon se thirrja e 5-të për propozime projektesh në kuadër të Programit IPA të Bashkëpunimit Ndërkufitar Maqedonia e Veriut - Kosova 2014-2020 është hapur që nga 08.07.2022, në të cilën aplikantët nga të dy vendet do të kenë mundësinë të paraqesin propozimet e tyre të përbashkëta të projekteve deri më 20.09.2022.
Thirrja është e hapur për prioritetet tematike të mëposhtme të programit:
Prioriteti Tematik 2: Mbështetja për turizmin dhe trashëgiminë natyrore dhe kulturore, dhe
Prioriteti Tematik 3: Mbrojtja e mjedisit, promovimi i përshtatjes dhe zbutjes së ndryshimeve klimatike, parandalimi dhe menaxhimi i rreziqeve
Të gjitha detajet e mëtejshme mund të gjenden në faqen zyrtare të internetit të Komisionit Evropian, si dhe në faqen e internetit të Zyrës së BE-së në Kosovë dhe në faqen zyrtare të programit:
https://ec.europa.eu/international-partnerships/funding/looking-for-funding_en;
https://ec.europa.eu/info/funding-tenders/opportunities/portal/screen/home;
http://www.cbc-kosovo-northmacedonia.eu/
https://www.eeas.europa.eu/delegations/kosovo_en?s=321
Dy sesione informuese janë planifikuar në kuadër të thirrjes ku subjektet e interesuara do të jenë në gjendje të mësojnë më shumë rreth specifikave të thirrjes dhe procesit të aplikimit. Ato do të mbahen:
- 16.08.2022 nga ora 11.00 deri në 13.00 në Gjilan, Kosovë (Adresa: Bulevardi i Pavarësisë p.n. 60000 Gjilan, Kosovë) dhe
- 18.08.2022 nga ora 11.00 deri në 13.00 në Shkup, Maqedonia e Veriut (rr. Hristijan Todorovski Karposh, 1000 Shkup, Maqedonia e Veriut).