Komponenti i zhvillimit rajonal mbështet vendet në zhvillimin e politikave, si dhe në përgatitjen për zbatimin dhe menaxhimin e politikës së kohezionit të Komunitetit, në veçanti në përgatitjen e tyre për Fondin Evropian të Zhvillimit Rajonal dhe Fondin e Kohezionit.
Objektivat e këtij komponenti janë:
- Përgatitja e vendeve kandidate për programimin, zbatimin dhe menaxhimin e Fondit Strukturor dhe Fondit të Kohezionit.
- Zbatimi i projekteve që janë në përputhje me prioritetet e Komunitetit dhe ato kombëtare, veçanërisht në sektorët e transportit dhe mjedisit.
Në përgjithësi, komponenti mbështet 3 fusha kryesore: transportin, mjedisin jetësor, konkurrueshmërinë rajonale, megjithatë, Republika e Maqedonisë është përfshirë në dy prej tyre, përkatësisht transportin dhe mjedisin jetësor përmes:
- Projektet e infrastrukturës së transportit, të cilat përqendrohen në lidhjen me rrjetet TEN-T;
- Projekte mjedisore që lidhen me menaxhimin e mbeturinave, furnizimin me ujë, ujërat e zeza urbane dhe cilësinë e ajrit, efikasitetin e energjisë, energjinë e rinovueshme dhe transportin urban pa ndërprerje;
- Ristrukturimi i zonave industriale, duke përfshirë rehabilitimin e vendeve dhe tokës së kontaminuar.
- Qëllimi strategjik i Programit Operacional për Zhvillim të Qëndrueshëm (OPRD) është përmirësimi i kushteve për zhvillim të qëndrueshëm të Republikës së Maqedonisë duke përmirësuar infrastrukturën e transportit dhe mjedisit për komunikim më të mirë me fqinjët, por edhe duke siguruar cilësinë e jetës dhe zhvillimin ekonomik.
Programi i parë Operacional është përgatitur për periudhën 2007-2009 dhe është nënshkruar një Marrëveshje Financiare për periudhën përkatëse. Ky Program Operacional është modifikuar dy herë, për periudhën 2010-2011 dhe 2012-2013.
Të gjitha dokumentet për periudhat përkatëse të programimit janë dhënë në lidhjet më poshtë.