Kapitulli 3.02 Lëvizja e lirë në vendin e punës përbëhet nga fushat e mëposhtme: parimet e përgjithshme të tregut të punës, EURES, koordinimi i sistemeve të sigurimeve shoqërore dhe Karta Evropiane e Shëndetit.
Legjislacioni evropian në fushën e lëvizjes së lirë të punëtorëve përbëhet nga rregulla që sigurojnë të drejtën e qytetarëve të BE-së për të punuar në vendet e tjera anëtare, për të banuar atje për këtë qëllim dhe së bashku me anëtarët e familjes së tyre të gëzojnë të njëjtat të drejta si qytetarët e atij vendi anëtar, në lidhje me kushtet e punës dhe përfitimet sociale dhe tatimore. Zbatimi i ligjit të BE-së nga ky kapitull do të zbatohet pas pranimit të Maqedonisë së Veriut në Union, në lidhje me aksesin në tregun e punës dhe rregulloret dhe direktivat e BE-së për koordinimin e sistemeve të sigurimeve shoqërore. E drejta për lëvizje të lirë të punëtorëve në nivel jo-BE është plotësuese/plotësohet me sistemin për koordinimin e sistemeve të sigurimeve shoqërore, d.m.th. të drejtën e punëtorëve migrantë dhe atyre që varen drejtpërdrejt prej tyre, për të marrë, grumbulluar dhe transferuar të drejta nga sigurimet shoqërore, si dhe për të qenë në gjendje t'i paguajnë ato.