Komiteti Nacional për Investime (NIC) - mandati, rolet dhe përgjegjësitë e kornizës koordinuese të NIC si dhe metodologjia.

NIC përbëhet prej tre nivele të cilat shërbejnë si bazë për programimin e të gjitha burimeve të financimit në dispozicion (përfshirë IPA-n nacionale dhe donatorët e tjerë).

• Grupet sektoriale të punës janë miratuar në seancën e 68 të Qeverisë më 31.03.2015
• Qeveria në seancën e 78-të të mbajtur më 08.06.2015 miratoi propozimin për krijimin e Komitetit Nacional për Investimeve (NIC) dhe Listën e vetme të projekteve për projektet investuese duke u bazuar në Programin e Qeverisë 2014-2018 si dhe Programet operative të IPA 1 dhe IPA 2
• Në seancën e 87 te Qeverise është miratuar Vendimi për themelim të NIC-ut.

Elementet kryesore në të cilat bazohet NIC janë: (a) Pronësia, (b) Transparenca, (c) Prioritizimi dhe (d) Pjesëmarrja e strukturuar Komisionit Evropian dhe Institucioneve të tjera ndërkombëtare financiare.

a) Pronësia – pronësia më e lartë politike dhe nacionale duhet të demonstrohet përmes ratifikimi periodik dhe dorëzimit tek organet përkatëse (Delegacioni i Bashkimit Evropian, Korniza Investuese për Ballkanin Perëndimor - WBIF, Institucioneve të tjera ndërkombëtare financiare, etj) për procesuim të mëtejshëm të Listës së vetme të projekteve prioritare të NIC-ut.

b) Transparenca - Ministritë duhet të përgatisin një listë të vetme të projekteve prioritare. E rëndësishme është që të aplikohet metodologjia gjatë përpunimit të projekteve, të bëhet vlerësim i strukturuar i prioriteteve të caktuara, i vendimeve të marra në proces dhe konsultimeve me aktorët e tjerë, siç janë Ministria e Financave, Delegacioni i BE-së, Institucionet Financiare Ndërkombëtare, etj.

c) Prioritizimi: Ekzistojnë dy lloje të prioritizimit: Prioritizimi i parë në nivel të Ministrive ku prioritizohen projektet në Listën e vetme të projekteve sektoriale; Prioritizimi i dytë është në nivel të NIC-ut dhe Ministrisë së Financave ku të gjitha listat e vetme prioritare të projekteve për sektor (nga ministritë) bashkohen në një listë të vetme të projekteve. Këto prioritizime, duhet të jenë në përputhshmëri me prioritetet nacionale dhe ato të BE-së (dokumentet strategjike, marrëveshjet e partneritetit, etj)

d) Pjesëmarrja e strukturuar Komisionit Evropian dhe Institucioneve të tjera ndërkombëtare financiare: NIC kërkon përfshirje të strukturuar dhe efikase të KE-së dhe institucioneve të tjera ndërkombëtare financiare edhe atë në dy faza: (1) në fazën e maturitetit relativ të Listës së vetme sektoriale të projekteve prioritare në nivel të ministrive dhe (2) në momentin e ratifikimit të Listës së vetme të projekteve prioritare nga ana e NIC, Ministrisë së Financave ose Kryeministrit të Qeverisë.

Anëtarë të përhershëm të nivelit të parë të NIC janë:

• Zëvendëskryeministri për Çështje Evropiane,
• Zëvendëskryeministri dhe Ministër i Financave,
• Zëvendëskryeministri për çështje ekonomike.

Detyrat e nivelit të parë të Komitetit Nacional për Investime janë:

• Promovimi i planifikimit sistematik të investimeve në infrastrukturë dhe harmonizim mes burimeve të ndryshme për financim (buxhet, kredi dhe fonde të pakthyeshme);
• Koordinim i aktiviteteve që kanë të bëjnë me përgatitjen e Listës së vetme të projekteve për infrastrukturë;
• Prezantim i planeve për realizim të projekteve të caktuara në Listën e vetme të projekteve infrastrukturore (të miratuar më parë nga Qeveria), para partnerëve për zhvillim, si dhe shqyrtim të propozimeve dhe mendime lidhur me projektet e propozuara;
• Të merren parasysh mundësitë e ndryshme për mbështetje financiare për përgatitjen dhe realizimin e projekteve nga Listën e vetme e projekteve infrastrukturore;
• Shkëmbim mendimesh në nivel ekspertësh mes përfaqësuesve nga Republika e Maqedonisë dhe përfaqësuesve të Institucioneve financiare ndërkombëtare, në mënyrë që të arrihet koordinim më i mirë mes të dyja palëve të interesuar për financim të projekteve infrastrukturore;
• Diskutime lidhur me Listën e vetme të projekteve infrastrukturore, monitorim i progresit dhe i arritjeve të secilit grup sektorial të punës;
• Harmonizim i udhëzimeve kryesore rreth politikave dhe miratim i konkluzioneve, të cilat më tej do të monitorohen në nivelin e dytë dhe të tretë brenda strukturës së NIC-ut;
• Harmonizim dhe përcaktim i modaliteteve për financim të Listës së vetme të projekteve infrastrukturore dhe
• Mobilizimi i resurseve për sektorët, në bashkëpunim me SÇE-së, Ministrisë së Financave, koordinatorëve nacional dhe donatorëve.

Niveli i dytë - Grupi teknik i punës së NIC-ut: është trupi themelor krijues dhe operativ, që do të formulojë, promovojë dhe mbikëqyrë zbatimin e qasjes sektoriale në praktikë.

Përbëhet nga anëtarët e përhershëm në vijim, sipas pozitës së tyre:

• Sekretari Shtetëror i Sekretariatit për Çështje Evropiane - Kryesues;
• Përfaqësues nga Sekretariati për Çështje Evropiane (2 anëtarë dhe 2 zëvendës);
• Përfaqësues nga Ministria e Financave (2 anëtarë dhe 2 zëvendës);
• Përfaqësues nga Kabineti i Zëvendës Kryeministrit për Çështjet Ekonomike (anëtar dhe zëvendës), dhe
• Përfaqësues nga Zyra e Kryeministrit (anëtar dhe zëvendës) Grupi teknik i punës së NIC-ut, duhet të mblidhet të paktën dy herë në vit , dhe nëse është e nevojshme edhe disa herë gjatë vitit.

Detyrat e nivelit të dytë të NIC-ut janë:

• Mbikëqyrje e punës së grupeve sektoriale për programim;
• Implementim i vendimeve të miratuara nga Qeveria dhe konkluzioneve të miratuara nga niveli i parë i NIC-ut
• Sigurimi i udhëheqjes së mirë, konsultimeve, udhëzimeve dhe detyrave për grupet sektoriale të punës për programim dhe koordinatorëve të tyre;
• Dhënia e iniciativave për promovim të qasjes sektoriale;
• Informim i Qeverisë, Zëvendëskryeministrit për Çështje Evropiane dhe Nivelit të parë të NIC-ut.

Niveli i tretë përbëhet prej grupeve punuese për programim në sektorët: transport, mjedis jetësor, energji, dhe sektori social. Grupet e punës janë me rëndësi thelbësore në zbatimin funksional të procesit të programimit, krijimin e listave sektoriale të projekteve dhe ofrojnë informacione kthyese deri tek nivelet më të larta.

Grupet e punës duhet të mblidhet të paktën një herë në tre muaj, dhe nëse është e nevojshme disa herë gjatë vitit.

Detyrat e Nivelit të tretë të NIC-ut janë si më poshtë:

• Zbatimi i planifikimit sektorial në nivel operacional për sektorin përkatës, duke siguruar harmonizim në mes asistencës për zhvillim me prioritetet strategjike kombëtare, në përputhje me programin operativ të Qeverisë;
• Të ndihmojë rreth planifikimit të prioriteteve të zhvillimit në sektorët relevant, dhe krijimi i listës Sektoriale të projekteve;
• Të ofrojë mbështetje në procesin e programimit të IPA-s, e cila është koordinuar nga SÇE;
• Monitorimi i rregullt i të gjitha strategjive në fushën dhe nëse është e nevojshme, propozimin / inicimin e përditësimeve të kornizës së programimit strategjik;
• Zbatimi i detyrave të deleguara nga Qeveria e RM-së, nga niveli i parë dhe i dytë i NIC;
• Zbatimi i vlerësimit sektorial, në përputhje me udhëzimet e marra nga SÇE.

Nëse është e nevojshme, në takimet e të gjitha niveleve të NIC, mund të marrin pjesë përfaqësues të Delegacionit të Bashkimit Evropian, të zyrave të Bankës Evropiane për Rindërtim dhe Zhvillim dhe Bankës Kreditore për rindërtim - KfW, përfaqësues nga Banka Evropiane e Investimeve, dhe Banka për Zhvillim me Këshillin e Evropës, si dhe përfaqësues të kreditorëve dypalësh dhe donatorët aktivë në Maqedoni.

Për punën e tij, Komiteti Nacional për Investime duhet ta informojë Qeverinë një herë në vit, jo më vonë se fundi i marsit i vitit aktual për vitin e mëparshëm.

Takimi i parë i Komitetit Nacional për Investime u mbajt më 29 qershor 2015, gjatë së cilit u prezantuan mandati, roli dhe përgjegjësitë e NIK kornizës për koordinim dhe metodologjia, para përfaqësuesve të lartë nga Institucionet Financiare Ndërkombëtare, partnerët dypalësh dhe komuniteti i donatorëve me mision permanent Maqedoni.

Takimi i dytë i Komitetit Nacional për Investime u mbajt më 7 dhjetor 2015. Pas gjashtë muaj punë dhe 18 punëtorive të mbajtura nga grupet punuese sektoriale, Lista e vetme prioritare u prezantua përpara Institucioneve Financiare Ndërkombëtare, partnerëve bilateral dhe komunitetit të donatorëve me mision permanent Maqedoni.

Më 7 dhjetor 2015 Qeveria e Republikës së Maqedonisë e miratoi Listën e vetme të projekteve infrastrukturore të cilën mund ta gjeni në linkun e dhënë më poshtë. 

Download document: Project Table (PDF)