Секретаријатот за европски прашања ја најавува втората информативна сесија за презентација на Стратегијата на ЕУ за Јадранско-јонскиот регион (ЕУСАИР), организирана во рамки на проектот "Поддршка на ЕУ за имплементација на Стратегијата на ЕУ за Јадранско-јонскиот регион во Република Северна Македонија".

Информативната сесијата ќе се одржи на 05 мај 2023 год., со почеток во 9:30 часот во Велес.

ЕУСАИР е една од четирите макро-регионални стратегии, која е воспоставена во 2014 год., додека членството на Северна Македонија во Стратегијата започнува во 2020 год.

Општата цел на ЕУСАИР е да го промовира економскиот и социјалниот напредок и раст во Јадранско-јонскиот регион преку подобрување на неговата атрактивност, конкурентност и поврзаност. Земјите имаат за цел да создадат синергии и да ја поттикнат координацијата меѓу сите региони во Јадранско-јонската област во четирите тематски области/столбови на дејствување:

• Син раст,
• Поврзување на регионот,
• Квалитет на животна средина и 
• Одржлив туризам.

Со оглед на нејзината структура, Стратегијата исто така придонесува и за понатамошна интеграција на земјите од Западен Балкан во ЕУ.

Информативните сесии ќе бидат организирани во осумте плански региони, со цел поблиско претставување на концептот на макро-регионална соработка, на предностите и придобивките од макро-регионалното организирање, и поконкретно на самата Стратегија на ЕУ за Јадранско-јонскиот регион. Сесиите се наменети за сите чинители на локално ниво, како претставници на единиците на локалната самоуправа, бизнис секторот, образовните и истражувачки институции, граѓанскиот сектор и други јавни институции.

Регистрацијата на информативна сесија ќе биде отворена до 26.04.2023 год., преку следниот линк: РЕГИСТРИРАЈ СЕ ТУКА!​​

Со оглед на очекуваниот интерес за настанот, учеството е ограничено на еден претставник од организација.

Aгендата и точната локација на настанот ќе бидат споделени со пријавените учесници.