Делокруг

Работата на Секретаријатот за европски прашања е уредена со Законот за Владата на Република Северна Македонија („Службен весник“ бр.55/2005), со трансформација на претходниот Сектор за европска интеграција во рамките на Генералниот секретаријат на Владата. Секретаријатот за европски прашања има хоризонтална координативна функција за прашањата и активностите поврзани со процесот на евроинтеграција и подготовка за членство на Северна Македонија во Европската Унија. Секретаријатот за европски прашања ја остварува основната функција, секретаријат за преговори со ЕУ и координатор на активностите и работата на преговарачката структура. СЕП остварува интензивна соработка со органите на државната управа и други органи и институции на секојдневна основа. Секретаријатот остварува функција на мониторинг на обврските преземени во процесот на интеграција. Нема управна функција. Заменик претседателот на Владата задолжен за европски прашања е Национален ИПА Координатор и согласно Регулативите за ИПА I и ИПА II е должен да управува со фондовите кои ЕУ ги доделува на Северна Македонија за спроведување на реформите. Воедно, ја врши и функцијата Национален координатор за странска помош. Преку електронскиот систем за работа на Владата (за процесот на стратешко планирање и подготовка и следење на реализацијата на проекти, програми и исполнување на заклучоци од Владата и нивна поврзаност со новите функционалности на мултиплатформскиот систем за е-влада), СЕП директно учествува во градењето и спроведувањето на владините политики согласно Методологијата за стратешко планирање и подготвување на Годишната програма за работа на Владата, Упатството за начинот на постапување на министерствата и другите органи на државна управа во процесот на подготвување на стратешкиот план и Годишниот план за работа, како и Упатството за начинот на постапување на министерствата и органите во процесот на следење, оценување и известување за спроведување на стратешки план и годишен план за работа.

Мисија

Мисијата на Секретаријатот за европски прашања е да се обезбеди стручна поддршка и координација на работата, како и посветеност на органите на државната управа и на другите органи и институции за подготовка на Република Северна Македонија за членство во Европската Унија. Мисијата се обезбедува преку:

• Доследно спроведување на политиките на Владата, во насока на целосна реализација на стратешката определба за полноправно членство во Европската Унија, согласно Програмата за работа на Владата 20-24, како и годишните планови на Владата;
• Целосна подготвеност за отпочнување и завршување на преговорите, со квалитетна и ефикасна координација и поддршка на потребните реформи;
• Зголемена ефикасност за користење на средствата од ИПА, активна регионална соработка и партнерски дијалог со институциите на ЕУ;
• Отвореност кон граѓаните и вклученост на сите засегнати страни во процесот на преговори, согласно насоките на Владата за отворен дијалог со граѓаните, како и мобилизација на сите општествени ресурси во процесот на интеграција.

Член 40-б Секретаријатот за европски прашања ги врши работите што се однесуваат на: обезбедување на координација и усогласување на работата на органите на државната управа и другите органи и институции, за подготвување на МКД за членство во ЕУ,вклучително и за преговори за членство во Европската Унија; обезбедување на координација на активностите за спроведување на Спогодбата за стабилизација и асоцијација склучена меѓу македонската држава и Европските заедници и нивните земји членки и другите договори склучени меѓу македонската држава и Европската Унија, како и на работните тела формирани во рамките на склучената спогодба и другите договори со Европската Унија; обезбедување на координација на процесот на подготвување на македонската верзија на aquis communitaire (правото на Европската Унија); обезбедување на координација заради усогласување на работата на државните претставници во институциите и телата на Европската Унија; обезбедување на координација заради усогласување на работата на органите на државна управа како држава членка на Европската Унија; обезбедување на координација на странската помош од Европската Унија и нејзините земји членки и другата странска помош поврзана за реформите комплементарни на процесот на интегрирање во Европската Унија; информирање на јавноста за активностите поврзани со процесот на европска интеграција и европските прашања; како и други работи поврзани со Европската Унија кои ќе ги определи Владата.

Визија

Целосна интеграција на Северна Македонија во Европската Унија. Општество интегрирано во ЕУ со прифатени заеднички вредности и принципи на демократија и владеење на правото, со европски демократски вредности на почитување на човековите права и слобода на изразување, со политика на дијалог и регионална соработка, како и со изградена одговорност кон користење на севкупните ресурси, заштита на животната средина и културното наследство, едно општество за сите врз основа на универзалните декларации за човекови права како и поединечните специфики на македонското општество. Создавање на професионална и добро обучена мрежа на административни службеници со искуство во работата со европските институции, согласно воспоставените ЕУ стандарди и политики. Добра регионална поврзаност и солиден капацитет за апсорпција на ЕУ фондовите.

Карактеристики на СЕП

Главните стратешки насоки на Секретаријатот за европски прашања се поставени врз основа на стратешката определба на Владата за целосно членство во ЕУ, како и клучните документи и стратегии: Спогодбата за стабилизација и асоцијација (ССА); Процесот за стабилизација и асоцијација; Стратегијата за проширување, со јасни насоки и препораки за процесот на проширување во наредниот период преку Методологијата за проширување на ЕУ; инцијативите и стратегиите на ЕУ; Повеќегодишната финансиска рамка (МФФ 2021-2027); Годишните извештаи на ЕК за МКД; секторските стратегии; Програмата за работа на Владата 2020-2024 г. и реформите во низа области; Програмата за економски реформи (ЕРП).

Секретаријатот за европски прашања направи темелна анализа на овие стратешки документи, ги идентификува клучните предизвици на Европската Унија и Северна Македонија за следниот период и врз основа на својата позиција и капацитети ги утврди следните стратешки насоки: континуитет и подобрување на квалитетот на процесот на пристапување, успешно водење на пристапните преговори, европски демократски вредности во процесот на преговори. Врз основа на стратешките насоки и идентификуваните предизвици, го подготвивме Стратешкиот план на СЕП за 2021- 2023г., како целосно интегриран среднорочен развоен документ. Планот обезбедува континуитет на досегашните активности, ги препознава идните предизвици и ги инкорпорира извлечените поуки, реалната рамка на планирање, и чекор по чекор, систематско јакнење на структурите и капацитетите, соработка и вклучување, еднакво разбирање и заедничка сопственост на процесот.

Структура

Секретаријатот за европски прашања е стручна служба на Владата раководен од заменик претседателот на Владата (ЗПВ) кој ги има правата и должностите на функционер кој раководи со орган на државна управа. Согласно законските прописи и актите за систематизација на работните места во СЕП, Секретаријатот за европски прашања има државна секретарка, 5 државни советници, 8 сектори во чии рамки функционираат 25 одделенија и две независни одделенија.