Во периодот од 7 август до 7 ноември 2017 година, Чивнинг Секретаријатот прифаќа апликации за
стипендии за учебната година 2018/2019. Aпликациите се поднесуваат на www.chevening.org/apply.
Чивнинг стипендиите им се доделуваат на лица кои
покажуваат лидерски потенцијал и имаат одлична академска основа. Стипендијата
дава финансиска поддршка за школување на магистерски студии на кој било
британски универзитет и ви ја дава можноста да станете дел од влијателна
глобална мрежа на 46 000 стипендисти.
За учебната година 2018/2019 на глобално ниво ќе се доделат над 1500
Чивнинг стипендии. Овие стипендии се значајна инвестиција од Владата на
Обединетото Кралство за развојот на идните генерации на глобални лидери.
Изјава на Чарлс Гарет, Британскиот амбасадор во Република Македонија:
„Британија
како глобален актер е дом на некои од најдобрите универзитети во светот и
најпочитуваните академици. Британското високо образование ја промовира
размената на информации и идеи, како и проширување на знаењето и комуникацијата
меѓу студентите. Чивнинг стипендистите преку влегувањерто во тој свет ги
надградуваат нивните академски, професионални и лични способнодти како резултат
на времето кое го поминале во Британија.
Чивнинг стипендистите се од најдобрите сектори во нивните земји, а по
нивниот престој во Британија го споделуваат најдоброто од Британија во нивните
земји. Клучна улога во создавањето на мостови меѓу земјите имаат Чивнинг
стипендистите и алумни асоцијациите во многуте земји.
Во изминатите 34 години голем број лица биле дел од Чивнинг програмите, а
потоа станале лидери во многу сектори. Да се биде дел од мрежата на Чивнинг
дава силно чувство на гордост и дговорност. Лично сум посведочил како на многу
лица оваа можност им го сменила животот.“
Дополнителни информации:
За детални информации и критерумите за аплицирање посетете ја www.chevening.org/faqs.
Чивнинг стипендиите се дел од глобалната програма на
Британската влада за стипендирање финансирана од Министерството за надворешни
работи и Комонвелт и партнерски организации. Стипендиите поддржуваат студирање
на британски универзитет – најечсто за едногодишни магистерски студии – за
индивидуалци кои покажуваат потенцијал да станат идни лидери, носители на
одлуки, и креатори на мислење.
Чивнинг постои од 1983 година и низ годините се разви во
престижна меѓународна програма. Чивнинг стипендистите се од над 160 земји и
територии во светот (со исклучок на САД и ЕУ). За учебната 2016/2017 година беа
доделени над 1500 стипендии. На глобално ниво има над 48 000 стипендисти, влијателна и ценета мрежа.
Името „Чивнинг“ доаѓа од Чивнинг резиденцијата во
Севеноукс, Кент –официјална резиденција на британскиот секретар за надворешни
работи.
Повеќе информации на www.chevening.org
