Заменик министерка за европски прашања Викторија Трајков во Брисел се сретна со европратеникот Карло Реслер од Европската народна партија(ЕПП), кој истовремено е и советник за политички и правни прашања на претседателот на хрватската Влада предводена од ХДЗ.
„Остварив конструктивна работна средба со Европратеникот Карло Реслер од Европската народна партија (ЕПП) во Брисел и советник за политички и правни прашања на претседателот на хрватската Влада предводена од HDZ. Разговаравме за идните чекори во процесот на европска интеграција и зајакнување на регионалната соработка, кажа Трајков.
Заменик министерката Трајков упати и честитки до Карло Реслер за неговиот избор за копретседавач на Мешовитиот парламентарен комитет за соработка меѓу Северна Македонија и Европската Унија.
„Преку конструктивен дијалог на сите чинители ќе успееме да најдеме достоинствени решенија за предизвиците. Нашиот дијалог е важен за заедничките европски приоритети и напредокот на нашата земја кон Европската Унија, изјави Трајков.
