Со цел зголемување на социјалните и економските придобивки за локалното население во Струга, се зголемил сместувачкиот капацитет на Извидничкиот Одред Крсте Јон, што резултира пак со зголемен број на туристи во регионот.

„Новата и единствена понуда за млади туристи, извидници, авантуристи и патници со ограничен буџет привлекол зголемен број на посетители во Струга. Зголемената понуда за транзитни туристи со ограничен буџет, особено за патниците од и кон Албанија, како и бројни авантуристи, велосипедисти, планинари, организирани младински и извиднички групи го активираа кампот, регионот и на македонскиот туризам му дадоа друга димензија. 

Струга и извидничкиот камп станаа препознатливи како главна туристичка атракција за млади, активни туристи и претставува единствена дестинација за извиднички активности, настани и собири на извиднички сојузи од Европа.“

Со вкупен буџет од 17 милиони денари, од кои 15 милиони денари се финансирани од Европска Унија и Владата на Република Северна Македонија, а приближно 2 милиони денари се обезбедени од ИПО Крсте Јон Струга, со што се спровеле различни активности.

„Придобивките од проектите на европската унија се многубројни, реални и даваат вистинска слика за тоа каква иднина може да создаваме за идните генерации.“

Како резултат од инвестициите и активностите, бројот на гости се  зголемил за 300% во периодот од 2020 година до годинешната сезона, со фокус на младите и странските посетители. Кампот Скаут во Струга станува препознатлив како главна туристичка атракција за млади, активни туристи во текот на целата година, со уникатни сезонски активности истакнува Маричиќ.