Главни цели на програмата Младите во акција се следниве:

• Промовирање на активно државјанство, како и на европско државјанство кај младите луѓе,
  
• Развивање на чувството на солидарност помеѓу младите луѓе со цел зајакнување на социјалната кохезија во ЕУ,
  
• Унапредување на меѓусебното разбирање помеѓу младите луѓе,
  
• Придонесување кон развојот на квалитетни системи за поддршка на активностите на младите луѓе, како и зајакнување на способностите на здруженијата на граѓани коишто дејствуваат во областа млади,
  
• Промовирање на европската соработка во политиките за млади.

Активностите предвидени за поддршка во Програмата се следниве:

• Младите за Европа (Youth for Europe)
  
• Европски волонтерски услуги (European voluntary service)
  
• Младите на светот (Youth of the world)
  
• Млади работници и системи за поддршка (Youth workers and support systems)
  
• Поддршка на политиката на соработка (Support for policy cooperation)

За правилно спроведување на Програмата е потребно преземање на следниве чекори:

• Преземање на неопходните мерки со кои ќе се обезбеди непречено одвивање на Програмата на национално ниво, како и осигурување на учеството на заинтересираните страни во согласност со националната практика,
  
• Формирање на Национална агенција, како неопходен институционален предуслов за правилно спроведување на Програмата на национално ниво (предвидено е оваа програма да се спроведе преку Националната агенција за образование).

Национална партнерска институција одговорна за спроведување и координирање на активностите поврзани со Програмата е Министерството за образование и наука.